Молитвы при угрозе утопления (тексты)

При угрозе утопления взывают к Пресвятой Владычице нашей Богородице и Приснодеве Марии в честь ее иконы «Спасительница утопающих», иначе называемой Леньковской (Новгород-Северской):

Молитва Пресвятой Богородице перед Ее иконой Леньковскою, или «Спасительница утопающих»:

Заступница усердная, Мати Господа Вышняго! Ты еси всем Христианом помощь и заступление, паче же в бедах сущим. Призри ныне с высоты святыя Твоя и на ны, с верою покланяющияся Пречистому Образу Твоему, и яви, молим Тя, скорую помощь Твою по морю плавающим и от ветров бурных тяжкия скорби терпящим. Подвигни и вся православныя христианы на спасение в водах утопающих и воздаждь подвизающимся о сем богатыя милости и щедроты Твоя. Се бо, на Образ Твой взирающе. Тебе, яко милостивно сущей с нами, приносим смиренныя моления наша. Не имамы бо ни иныя помощи, ни иного предстательства, ни утешения, токмо тебе, о, Мати всех скорбящих и напаствуемых. Ты по Бозе наша Надежда и Заступница, и на Тя уповающе, сами себе, и друг друга, и всю жизнь нашу Тебе предаем во веки веков. Аминь.

При таких обстоятельствах взывают к святителю Николаю, архиепископу Мир Ликийских, чудотворцу. Верование в помощь святителя Николая на водном пути уже стало вселенским:

«...Боготечная звезда явился еси, наставляя по морю плавающих люте, имже смерть предстояще вскоре иногда, аще не бы ты предстал еси призывающим тя в помощь, Чудотворче святый Николае; уже бо нестыдно бесом летающим и погрузити корабли хотящим запретив, отгнал еси их, верныя же научил еси спасающему тобою Богу взывати: Аллилуиа», - читается святителю-Николаю в Акафисте.

Молитва святителю Николаю, архиепископу Мирликийскому:

О добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших: моли о нас недостойных Содетеля нашего и Владыку, Емуже ты со безплотными лики предстойши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол, находящих на нас, и укроти волны страстей и бед, возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших: моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков.